ئەبو محمد وەندی (45 ساڵ) خەڵک گەڕەک (جەبراوە) و نویەنەر دانیشتگەیلی ئەرا ئاژانس شەفەق نیوز وت: "زیاتر لە 250 ماڵ داد لەدەس  رمیان و نەوین کارەبا کەن چوینکە دوو موحەولەی کارەبا ئەرایان دانریایە"، وتیش: هەر محەویلەیگ کارەبا  وە 135 تا 130 ماڵ دەێد.

ئەبو محمد وتیش: "ئەو دوو محەویلە ساڵانە 5 گلە ئاڵشت کریەن لەوەر خراوبوین و زوور لەبان تووڕ کارەبا، یەیش لە وەختیگ ک بڕیان و نەوین کارەبا زیاتر لە 15 رووژ وەپی چوود وە وەردەوامی".

ئەبو محەممەد وتیش: گەڕەک جەبراوە بیبەشە لە پرۆژەی رویپووش و تا ئیسەیش ویران بویە ریەگە خۆەڵە تەنانەت لە (سوبێس)یش بیبەشە، و داوای جیوەجیکردن ئەو پڕۆژەیل قیلکردنە کرد ک بڕیارە لە ساڵ 2020ەو لەلایەن حکومەت ناوخوەیی و رزگارکردن گەڕەکەگە لە کارەسات خزمەتگوزاری و لە نەگبەتی بکەن.

هەرلیوا، دلێر حەسەن سایە، قایمقام خانەقین لەڕی ئاژانس شەفەق نیوز وەڵام داواکارییەیل خەڵک جەبراوە دا ک وت:  "گیچەڵ کارەبا و خزمەتگوزاری لە وڵاتەگە  گشتیە و تەنیا لە خانەقین یا ناوچەیگ یا گەڕەکیگ نییە، و ئیمە فرە کار کەیمن ئەرا چارەسەرکردن گشت گرفتەیل وە هەماهەنگی وەگەرد لایەنە پەیوەندیدارەیل."

حەسەن سایە وتیش؛  "پڕۆژەیل قیلکردن چەوەڕی پەسەنکرن بودجەن کەن تا  دەسوە جیوەجیکردنیان بکەن و جەبراوە وە چەو ئەو ناوچەیل خانەقین وە خزمەتگوزاری خاسیگ دیرێد".