شەفەق نیوز/ باڵیۆزخانەی تورکیا لە بەغداد، ئمڕوو جمعە، راگەیان ڤیزەی وەناوچگن راستەخۆ ئەرا کەسوکارەیل قوربانیەگان رووداو پاسەگە ک لە شار ئۆرفەی تورکی قەڵبەوبوی.
فاتح یەڵدز باڵوێز تورکیا لە عراق لە بەیاننامەیگ ئمڕوو وت: پرسەو سەرەخوەشی لە خیزانەیل عراقیەگان کەم ک لە رووداو هاتووچوەگەی وەرجە دوو رووژ لە تورکیا مردن، و ئۆمید خاسەوبوین زوینە ئەرا زەخمدارەگان دیرم.
و ئاماژە کرد ک ئەو عراقیەیلە ک بایەدە گەشت بکەن ئەرا سەردان کەسوکارەیلیان، توێنن سەردان باڵیۆزخانەگەمان بکەن تا وەڕاستەخۆ و زوی ڤیزا وەربگرن.