شەفەق نیوز/ ئەنتۆنی بلینکن وەزیر دەرەوەی ئەمریکا، ئیوارەی دوێەکە سێشەممە، پەیوەندییگ تەلەفۆنی وەگەرد موستەفا کازمی سەرۆک ئەنجومەن وەزیران کرد.
وەگورەی بەیاننامەی وەزارت دەرەوەی ئەمریکا، بلینکن لە تەلەفۆنەگەی باس لە دڵگرانی خوەی لە چەن پەلامارە مووشەکیەگان کرد ک شار هەولێر پایتەخت هەرێم کوردستان کردنە ئامانج.
وەزیر دەرەوەی ئەمریکا لە پەیوەندیەگەی هان کازمی دا لە نزیکەو لە کارکردنی وەگەرد حکومەت هەرێم کوردستان ئەرا نواگردن توندڕەوەگان وەردەوام بوود.
هەمیش هەردوگلاگە باس لە تەقەلاگان کردن ئەرا دیاریکردن و سزادان کۆمەڵە وەرپرسەگان لەبان ئەو پەلامارەیلە ک دووشەمەی گوزەیشتە بوین.