شەفەق نیوز/ پەرلەمانتار ئەرشەد ساڵحی وەرپرس بەرەی تورکمانی، ئمڕوو جمعە، داد کرد لە وەدویاچگن ئاست خزمەتگوزارییەگان و نەوین پڕۆژەیل دووارە ئامادەکردن بینا ژیریەگان لە پارێزگای کەرکوک لەوەر بڵاوبوین گەندەڵی دارایی و ئیداری لە فەرمانگە و دامەزراوە حکومەتیەگان لە پارێزگاگە.

ساڵحی لە بەیاننامەیگ ئمڕوو وت: پویلەیل فرەیگ ئەرا پڕۆژەیل پارێزگاگە تەرخان کردیمن، بەڵکم ئاست ئەنجامداینەگان لە گشت پڕۆژەگان وەگورەی تەما نیە، وەگەرد نزیکبوین وەرز زمسان.

وتیش؛ داوا لە فەرمانگەیل دەسپاکی و چەودیری دارایی کردیمن لێکۆڵینەوە لە خەرج ئی پڕۆژەیلە بکەن، و باس لە خەفەت خوەی کرد لە پەککەفتنەگان لەو پڕۆژەیلە ک کرکوک لە پارێزگای ناسریاگیگ ئاڵشت کردن ئەرا ئاواییگ لەسای گەندەڵی و پێشەلکاریە وەردەوامەگان.

ساڵحی ئاماژە کرد ک کەرکوک ئەنجومەن ئاوەدانی و خزمەتگوزاری سەروەخوەی خوازێد نەگ پشت بەسانن وە تەنیا وەڕێۆبەرەیل فەرمانگەگان.

وەرپرس بەرەی تورکمانی هەمیش وت؛ داوا لە لایەنە پەیوەندیدارەگان کردیمن ئاشکرای بڕ پویلە تەرخانکریایەگان بکەن ئەرا فڕوکەخانەی کەرکوک و شیوەیل خەرجکردنەگە وکارە ئەنجامدریایەگانی.