شەفەق نیوز/ ئەفسەریگ لە پۆلیس عراقی، ئمڕوو پەنجشەممە، خەوەردا لە زەخمداربوین چەن کەسیگ لەوەر تەقەکردن لەناو ئاهەنگ سویریگ لە یەکیگ لە گەڕەکەیل شار کەرکوک.
ئەفسەرەگە ئەرا ئاژانس شەفەق نیوز وت: دوێەشەو لە گەڕەک عەسکەری لە کرکوک، لەوەر تەقەکردن هەڕەمەکی وەرەو ئاسمان ئەرا خوەشیکردن، شەش کەس لەلای کەمەو زەخمداری جووراجوریگ بوین.
ئەفسەرەگە وتیش: هێزە ئەمنیەگان دوو کەس لە تەقەکەرەگان دەسوەسەر کردن، و خستنەیانە زیندان.