شەفەق نیوز/ موستەفا کازمی سەرۆک وەزیران، ئمڕوو یەکشەممە، بەیاننامەیگ لەباوەت رینماگان سەید عەلی سیستانی دەرکرد، لەباوەت هەڵبژاردنە زوینەگە، ودووپاتکرد لە رک حکومەتەگەی لە سزادان تووشهاتگەیل وە خوین عراقیەگان.

کازمی لە بەیاننامەیگ رەسیە ئاژانس شەفەق نیوز وت: وە گشت رێز وسوپاسیگ، رینمایل مەرجع باڵا سەید عەلی سیستانی وەرگردیمن، لەوەخت پێشوازیکردن جینین پلاسخارت نوێنەر تایبەت ئەمیندار گشتی نەتەوە یەکگرتوەگان لە عراق، ودووپاتکرد ک ری مەرجعیەت زانا و رینماگانی ک جوور گرنگیەگان گەل بەڕێزعراقە، خوەی بەڵگەی هەمیشەییمانە ئەرا ئەنجامداین تەمایل گەلەگەمان لە هەڵبژاردن زوینەی ئازاد ودەسپاک ویەکسانیگ.

کازمی پەیماندا ک حکومەتەگەی وەردەوامبوود لەو گامەیلەگ ریەگەی دەسکردەپی ئەرا مقەیەتی سەروەری وچەسپانن سام دەوڵەت و دژایەتی گەندەڵی لەبان ئەو سەختی وریگریەیلە، وئاماژەکرد ک حکومەتەگە رک ناگە لە سزادان تووشهاتگەیل وە خوین عراقیەگان، وقۆناغ یەکەم لە لێکۆڵینەوە و مینەکرد لە ئامارکردن قوربانیەگان و زەخمدارەگان رووداوەیل تەشرین ٢٠١٩ وەرەودویا تەواوبوی، و ئەوەسا وەی نزیکە دەسکەیمنە قۆناغ دوویەم، لە لێکۆڵینەوەی دادوەری ودیاریکردن تووشهاتگەیل وەخوەین عراقیەگان، وهەواڵەکردنیان ئەرا دادوەری.

وتیش؛ مەرجعیەت هیمان نشانەی خاڵەیل کەموکوڵیەگان و لاوەزیەگە کەێد ئەرا بەرژەوەنی گشتی، و هووشداریدەێد لە ئەنجامە مەترسیدارەگان، خوەدا نەخواستە، ک سیاسەتە هەڵەگان کەڵەکەیان کەن لەبان دویارووژ خاک ئازیزمان و یەکێتی وسەڵامەتی خاک وکەڕامەت گەلەگەی.

سەرۆک وەزیرەیل هەمیش وت: پەیمان دەێمنە گەلەگەمان، ومەرجعیەت زانامان، وەفادار بویمن وە پەیمانەیلمان و لەبان ری چاکسازی بویمن، وبەرژەوەنی خاک بخەیمنە وەردەم، و چەودیری لە مافەیل مەردم وەیەکسانی بکەیمن، ولە گلیەی گلیەکار نەترسیمن.