حەمادی وە ئاژانس شەفەق نیوز وت "پارێزگار وە وکالەی کەرکوک، راکان سەعید ئەلجبوری، لەوەر رەسین وە تەمەن یاسایی لە یەک تەمووزەو ئەرا خانەنشینی کلکریاس، وەپای یاسا، ئیدارەی پارێزگاگە ئیرنگە پارێزگار نەێرێد تا رەسین زەنیاری تایوەتیگ لەی باوەتە".

حەمادی وتیش، "دویای خانەنشین بوین؟پارێزگار، وەرد دەسەی هەماهەنگی کاروبار پارێزگایەیل لە بەغداد قسەکردیمنە لەباوەت بڕیاردان و چەوەڕێ جواویانین" ئاشکەرایکرد " وەپای یاسا، منوەرپرس بوود لە وەڕێوەبردن ئیدارەی پارێزگاگە لە وەخت نەبوین پارێزگار".

جیگیر تەکنیکی پارێزگار کەرکوک وت، "ئەنجومەن پارێزگار کەرکوک ئمڕوو ساعەت یەک نیمەڕوو یەکەم کووبوینەوە کەێد وە ئامدەبوین گش ئەندامەیل براوە، و گشت داواکاریەیل کووبوینەوەگە تەواوکریاس وە دواکردن وە لایەن سەرۆک وەزیرەیل محەمەد شیاع سوودانی".

پەرلەمانتار یەکێتی نیشتیمانی کوردستان لە کەرکوک، دیلان  غەفور، رووژ سێشەممەی " وەرین داوایگ فەرمی پێشکەش سەرۆک کۆمار و لایەنەپەیوەنیدارەیل کرد تا پارێزگار وە وکالەی کەرکوک، راکان سەعید ئەلجبووری  خانەنشین بکرێد، لەوەر تەواوکردنتەمەن یاسایی و هەڵنەوژێریاس.