شه‌فه‌ق نيوز/ وه‌رپرسيگ باڵاى توركيا، ئاشكراى ئه‌وه كرد وڵاته‌گه‌ى رێگرى له په‌نابه‌ره‌يل سوورى ناكا له‌ئيسه‌وه بڕه‌سنه ئۆرپا، ئه‌ويش له دوياى دانيشتنيگ وه‌په‌له له ئه‌نقه‌ره وه سه‌رۆكايه‌تى ره‌جه‌ب ته‌يب ئه‌ردۆغان سه‌رۆك توركى.
له‌ى باوه‌ته‌و، ره‌حمى دۆغان فه‌رمانڕه‌واى هه‌رێم هه‌تاى له باشوور خوه‌رهه‌ڵات توركيا وت: له ئه‌نجام په‌لاماريگ ئاسمانى ك له‌لايه‌ن هيزه‌يل حكومه‌ت سورياوه ئه‌نجام درياگه له ناوچه‌ى ئيدلب له باكوور خوه‌رئاواى سوريا بويه‌سه هووكار كوشيان 33 سه‌رباز توركيا و زه‌خمداربوين شماره‌يگ تر.
جى باسه، ئه‌و وه‌رپرس توركيه ئه‌را روێته‌رز وت: فه‌رمان درياسه هيزه‌يل پۆليس و خه‌فه‌ر كناراوه‌يل و ئه‌من مه‌رزه‌يل توركى ريگرى له په‌نابه‌ره‌يل نه‌كه‌ن ك ئه‌خوازن بچن وه‌ره‌و ئۆرپا له‌ئه‌نجام بۆردومانكردن ئيدلب.