شەفەق نیوز/ ئەو گوورانی نووە ک خانمە ئەسارەی جەهانی شاکیرا دەری کردیە، و قسەیل گورانیەگە وە گلەیی تیارێدە گووش یارەگەی بازیکەر تووپان ئیسپانی گیرارد پیکێە، رەسیە شمارەیگ پەیمانەیی لە تەماشاکردن، ک لە ٧١ مەلیۆن تەماشاکەر وەماوەی ٢٤ ساعەت رەد کرد، ک بوودە زویترین گورانی لە شمارەی تەماشاکەرەیل، وەگورەی قسەی رووژنامەی The Guardian بەریتانیا.
شاکیرا و پیکێە، ک یە گورانیچڕ جەهانیە و ئەویش تووپاناوزە لە یانەیل پەرشەلۆنە و مانشستەر یۆنایتد و هەڵوژاردەی ئیسپانیا بازی کردیە، لە حوزەیران ٢٠٢٢، دویای ١٠ ساڵ لەیەک جیاوە بوین، و دوو کوڕ دیرن.
شاکیرا لەناو ئەو گورانی نووە ئویشێد: خوەی دوو ژن لە تەمەن ٢٢ ساڵان هەرزێد، و ئەو ماشین فیرایەگەی کردە رینۆ، و ساعەت رۆلیکسەگەی کردە کاسیۆ.
لە گورانیە وتیش: ئاست خوەی لە ئاست ئەو (پیکێە) بەرزترە، ئەراوە ئەو کەفتیەسە گەرد کەسیگ وەگورەی خوەی، و هیشتیەسەی تا راهێنان ئەرا مەغزی بکەێد، جویر ئەو راهێنانیانە لە یانەی وەرزشی کەێد.