بەرهەمەگە لە تێکست و ئاواز رێباز شەمامییە و کار ئەرەنجمێنتەگەی وەلایەن ئەفشین شوکرییەو ئەنجامدریاس، کار میکس و ماسترینگ رەزا پور رەزاوی ئەنجامیدایە.

سەمیرە کارزان لەداڵگبوی شار بۆکانە لە خوەرهەڵات کوردستانە، ماوەی کەمیگە لە مژار هونەریی دەرکەفتیە و چەن بەرهەمیگ تایبەت وەخوەی دیرێد، زیاتر وە گورانی "دکتۆر" ناوبانگ پەیاکرد.

رێباز حسێن ناسریاگ وە ڕێباز شەمامی ساڵ ١٩٨٥ لەداڵگبویە، ‎زیاتر لە ١٥ ساڵە کار هونەری کەێد، هەرچەن خوەی خەڵک سەردەشت خوەرهەڵات کوردستانە، زیاتر لە ٥٠ بەرهەم فارسی و ٥٠ بەرهەم کوردی دیرێد.

ئەفشین شوکری، لەداڵگبوی شار مهاباد خوەرهەڵات کوردستانە، ماوەی فرەیگە کار هونەری کەێد و خاوەن چەن ئەلبوم و بەرهەمیگ جیاس، وەزوان کوردی و فارسی و تورکی، ئاواز ئەرا فرەیگ لە  هونەرمەنە دیارەیل کوردستان دانایە، لەهەمان وەخت دوێت وەرد چەن هونەرمەنیگ دیار دیرد.