شەفەق نیوز/ راپۆرتەیلیگ ئیسپانی و کۆلومبی نزیک لە خانمە ئەسارەی گورانی جەهانی، شاکیرا، و یار جارانی بازیکەر تووپان گیرارد پیکێه، ئاشکرای ئاشتەوبوینیان کرد و کپهاتن ئەو جەنگە کە لەی مانگەیل گوزەشتە کەفتیەسە ناویان.
رووژنامەی "vanitatis" وت: دویای چەن مانگیگ لە مرافە و پەیوەندی بەد، ناوەین دوو یارە کویەنەگە ئارامەو بوی، هەر لەلای کەمەو لەوەر مناڵەیلیان.
رووژنامەگە لە زوان کەسەیلیگ نزیک لە شاکیرا و پیگێه وت: هەردوگیان هیمان بڕیار جیاوەبوین دانە، و هویچ گیچەڵیگ نییە.
لەلای خوەییش، سایت "ئینفوبی" ئیسپانی وت: جاریگتر وای ئاشتی ناوەین پیکێه و شاکیرا هەڵکرد، دویای ئەو ک جەنگ سەختیگ لەوەر رێککەفتن جیاوەبوین و ئیوەتکردن دوو مناڵیان میلان و ساشا هەڵسیا.
سایتەگە وتیش: خانمە هونەرمەن کۆلومبی هەمیشە خوازیاد مناڵەیلی نەزانن ک کلارا شیا یار نوو پیکێه بویەسە هوکار جیاوەبوینیان.