ئەو باوەت ئەڵاجەویە لە نیسان پارەکە دەسوەپی کرد، هەنای پیاویگ وە نازناو (جو) دڵگران بوی، چوینکە هاوساگەی وەناوزناو (چۆنگ) دارەیلی بڕێد.
لەبان ئەوە، جو ک خەڵک ناوچەی هونان لە وڵات چین، چەن جاریگ شەوانە چوودە ناو مامرەیل چۆنگ.
دیار نەویە جو چ نیازیگ دیرێد هەنای شەوانە چوودە ناو مامرەیل چۆنگ ، باوجی چۆنگ ئەرا دادگای ناوچەی هینجیانگ وت: پیاوەگە وە چراخ (تۆرج) شەوانە رخ مامرەیل بردگە.
وەگورەی رووژنامەی چاینا دەیلی حکومەتی، ئەو رووشناییە هیشتیە مامرەیل گشتیان لەیەک سویک گردەو بوون، ک ٤٦٠ لەلیان کەفتنە ژیر پای ئەو مامرەیل و مردارەو بوینە.
جو دەسگیر کریا و ناچار بوی ٤٤٠ دۆلار بەێدە چۆنگ.
ئی بڕیارە هیشتەی زیاتر تویڕە بوود، و جاریگتر ئەو کارە بکەێد، وەلێ ئیجا ٦٤٠ مامر مردارەو کرد.
دەسەڵاتەیل چین وتن: ١١٠٠ مامر وە کردەوەی ئەو پیاوە مردارەو بوینە.
دادگا وت: رەفتارەیل جو وە زانەستەنی بویە، و سزای ٦ مانگ زیندانی لەبانی دەرکرد، و تا یەک ساڵ لەژیر چەو بوود، وەمەرجیگ پیاوەگە لەبان کردەویلی پەشیمانەو بوود.