شەفەق نیوز/ وەزیر ئاسایش ناوخوەی ئەمریکا، راگەیان وەزارەتەگەی کار کەێد لەبان تاقیکردنەوەیگ تەکنیکی زیرەکی دەسکرد ئەرا راهێنان ئەو کارمەنەیل پۆلیس کە چەوەپیکردن وەگەرد کووچبەرەیل و خوازیارەیل ماف مەنن لە ئەمریکا کەن.
ئەلیخاندرۆ مایۆركس، وەزیر ئاسایش ناوخوەی ئەمریكا دیاریکردیە، لە تاقیکردنەوە توقیکاریەگە ئامێرەل بەرنامەرێژکریەن تا جویر پەنابەرەسل رەفتاربکەن و ئەفسەرەیل پۆلیس بتوەنن مەشقبکەن لەبان چۆنیەت چاوەپیکەفتن وەگەردیان.
لێدوانەگەی مایۆرکس، کە لە پەراوێز کۆنفرانسیگ تایوەت وە ئاسایش لە سانفرانسیسکۆ پێشکەشکرد، ئەو دەستپیشخەرییەیلە زیرەكیی دەستكرد (AI) خەێدەرووی کە وەزارەت ئاسایش ناوخۆ لە سەرەتای ئمساڵ خستیەسەروی.
وەزارەتەگە باس لەوەش کرد، تەکنەلۆجیای زیرەکیدەسکرد لە خوەیانەو بڕیار نیەدەن لەاوەت کووچبەرەسل وە قسەی
مایۆرکس، ئەو تەکنەلۆژیایەیلە توانای دیاریکردن بارودۆخ دیاریکریاگ هەر وڵاتیگ بوود و زانیاریی ترەک دیرێد کە دەسمیەتیدەرە ئەرا رەوت کارکردن.