شەفەق نیوز/ کۆمپانیایی FAWچینی وە نیازە جۊریگ نوو ماشین Hongqi H5 بخەێدە بازاڕ،  و تواد کێبڕکێ وەگەرد ماشینەیل مارسیدس و بی ئێم دەبلیوو بکەێد. 

وەگورەی هەواڵیگ " ئارتی- عربی" چەن وێنەیگ دزە وەپیکریای دیزاین ماشینەگە بڵاوکریایە ک  تێکەڵەی دیزاین ماشینەیل ( Hongqi H5 و Hongqi H9 )ـە.  ماشینەگە هەیکەلەگەی چوار مەتر و ٩٠ سانتیمەتر بوود، نوا و دۊای وە کرۆم رەنگینکریایە، لایتەیل نوای زۆرفرە ناوازەن و وە نووترین تایبەتمەندییەیل LED دانریانە ئەرا ئەوەگ رووشنایی فرە خاس و جیاوازیگ دەێد لە گشت بارودۆخیگ و کەشوهەوایگ. 

جی  سەرنشینەیلی کوشن چەرمن و سیستەم سەردەوکردن و گەرمەوکردن هاناوی، بەش نوای  لەجیاتی  ئاڵشتبۊیە ئەرا شاشەی لەمس، جی گێج ماشینەگە بۊیە وە ئەلکترۆنی. 

وەگەرد ئیانەا ماشینەگە سیستەم خاڵ کوری لەناوی زیادکردنە  ئەرا ئاسانکریکزدن و سەلامەتی سەرنشینەیل ناو ماشینەگە، و سیستەم کۆنترۆڵکردن ئیستۆپ زیادکردنە لە کات پسایەیل کتوپڕ، بیجگە لیانە حاسەی تایوەت وە رووشنایی، واران، دۊری ماشینەیلتر ، وەتایوەت ئەرا پسایەیل کتوپڕەیلە  دانریاگە.