شەفەق نیوز/ کومپیوتەر مەزن World One ، ک ئەرا مەزەنەکردن شیوەیل شارستانی دروس کریاگە، ماوەی فەوتان ئایەم دیاری کرد، وەگورەی رووژنامەی دەیلی ستار.

وەگورەی ئەو بەرنامە ک یانەی رۆما لە هەفتایل سەدەی گوزەشتە داوای کردگە، ئەوەسا شارستانی لە ساڵ ٢٠٥٠ کۆتایی وەپی تیەێد، و چالاکی مەردم بوودە هوکار لەناوبردنی، و پیسبوین ژینگە و کاریگەریەیل بەدی.

مەزەنەیل ئویشن: لەناوبەین ساڵەیل ٢٠٤٠ و ٢٠٥٠، ژیان شارستانی پەکی کەفێد، و جویر جارانی لەبان ئی زەویە نیەمینێد، و پەنابردن وەرەو ماشینەیل "برادەر ژینگە"یش و چاودیریکردن زاوزویە قورتاری نیەکەێد و وەرەو خاستر نیەوەێدەی.

رووژنامەی دەیلی ستار هەمیش باس مەزەنیل World One ئەرا ساڵ ٢٠٢٠ کەێد، ک وت گوایە رەوش زەوی فرە ناجیگر بوود.