شەفەق نیوز/ کۆمپانیای Sightful پەردە وەبان لاپتۆپ Spacetop G1 لاورد کە لاپتۆپیگ بی شاشەس و لەی چاویلکە تایوەت وەکارتێد.
وەپای خەوەریگ لە رۆژنامەی زە گاردیان، لاپتۆپ "Spacetop G1" یەکەم ئامێرە کە وەیجویرە دروسبکرێد ، هەمیش لە چاویلکەی تایوەتی Xreal پێکهاتیە، لە جیای شاشە توەنرێد وەکارباد.
لاپتۆپەگە توەنێد لە چرکەیگ، 48 ترلیۆن ئەرک لەری زیرەکی دەسکرد دابین بکەێد، یەیش ئاڵشتکاری گەپیگە لە جەهان لاپتۆپ.