شەفەق نیوز/ لە ژیرزەمینەیگ لەناو شۊنیگ پەنابەری، وەگەرد چەن خیزانیگ لە ئۆکرانیا،  لە یادمان مەنیە ک ئەو دۊتە گورانی چڕێد. 

کۆمەڵەیگ خێرخوازی،  ئەو دۊتە پەسەن کرد تا لەوەردەم جەماوەر فراوانیگ لە وازکردن ئاهەنگیگ، گورانیەگەی بچڕێد. 

دۊت پەنابەریەگە، دەنگ  خوەی ئەرا جەهان رەسان، ئەوەیش وە خود ئەو گورانیە ک لەژیر دەنگ مووشەک و تووپ چڕیەی. 

ئەمیلیا ئەنیسوفیچ ٧ ساڵان، رەسیە پۆلەندا،  و کەفتە وەردەم جەماوەر، هەنای لەناو یەکیگ لە ئاهەنگەیل خێرخوازی ئەرا پشتگیریکردن ئۆکرانیا،  بڕیار دریا ئەو دۊت بۊچگە ئاهەنگیان وەو گورانیە واز بکەێد.  

ئەمیلیا وە شەۊی رەنگاوڕەنگی لە وەردەم هەزاران کەس وسیا، و سروود وڵاتەگەی خوەنی، ئەوەیش لە ئاهەنگیگ خێرخوازی لە یاریگای ئەتلەس ئەرینا لە لۆدەر پۆلەندا.  

مەردمە ئامادەبۊەیل وە چڕین گورانیەگەی سەرسام بۊن، و کامیرایلیان لەبانی بەڵاچە دان، و چەپڵەی دەنگەودەریگ ئەرای کوتیا.