شەفەق نیوز/ شاند وەشکین سەروە زانکۆی بۆلۆنیای ئیتالی، نزیکەی ٥٠ پارچەی خەڕگین پەیا کرد، نویسین ئاینی لەبانی کڕیاگە، ئەوەیش لە شار ئاسەواری نەینەوای خوەرهەڵات.   

لەناو هۆڵ ئاسەواری روهبان مینەی ئەو چشتەیلە کریا، وهەمیش جوو ئاویگ پەیا کریا ک لە دیجلە وەرەو ماڵەیل هاتیە، و بنەڕەت هۆڵەیلیگ ئاشووری وتاوەریگ چەودیریکردن وپاسەوانی شارەگە وەگەرد روفات سەربازیگ ئاشووری تەمەنی رەسێدە وەرجە ٦٠٠ زایینی.      

سالم حەمدون ک وەگەرد شاند ئیتالیا وەشکین ئەنجام دەێد، ئەرا ئاژانس شەفەق نیوز وت: شاندەگە دەروازەی ئاسەواریەگە خاسەو کرد تا بوودە سیمایگ گەشتوگوزاری مەردم سەردانی بکەێد. 

خەیرەدین ئەحمەد ناسر وەڕیەوبەر فەرمانگەی ئاسەواری نەینەوا ئەرا ئاژانس شەفەق نیوز دیاری کرد ک شمارەی ئەو شوینەیل ئاسەواریە ک لە نەینەوا توومار کریانە رەسێدە زیاتر لە ١٠٠٠ شوین، و مەزەنە کەێد لە ساڵەیل بانان  بڕەسێدە ٢٠٠٠ شوین. 

ناسر دیاری کرد ک وە هەماهەنگی وەرد شاندەیل بیگانە کار ئەرا ئامادەکردن بڕیگ لە شوینەیل ئاسەواری کەن تا بوودە رویکردن نوویگ ئەرا گەشتیارەیل.