شەفەق نیوز/ ناوەند کەلتووری خانەقین وەگەرد کۆمەڵەی سینەما و تەلەفزیۆن عراق، ئیوارەی ئمڕوو شەممە، دەسکردە فیستیڤاڵیگ ئەرا فیلمە کوڵەیل لەناو باخچەی ناوەند کلتوری خانەقین، وە ئامادەبوین بڕیگ لە ڕووشنهویر و هونەرمەن و سینەما دووسەیل شارەگە.

دکتۆر سامان جەلیل یەکیگ لە ئامادەبویەیل ناو فیستڤاڵەگە ئەرا ئاژانس شەفەق نیوز وت: یە ئەرا سێ وەرزە ئی میوانەیلە لە شار بەسرە رەسنە شار خانەقین، و ئی چالاکیە وەچەودیری ناوەند کەلتووری خانەقین ئەنجام دەن. 

وتیش؛ چەن فیلم کوڵیگ لەناو یەکەم رووژ فیستیڤاڵەگە خریا وەر چەو، ک بویە جی رەزامەنی تەماشاکەرەیل.

ماجد شالیار وەڕێۆبەر ناوەند کەلتووری لە پرسیاریگ دەربارەی فیستڤاڵەگە ئەرا ئاژانس شەفەق نیوز  وت: ئەمساڵ تەنیا یەک رووژ چالاکیەگە وەردەوام بوود، و نزیکەی ١٠ فیلم کوڵ خریەێدە وەر چەو.