شەفەق نیوز/ دویەتیگ 21 ساڵان لەدویای چەن ساعەتیگ لە نەشتەرگەری گیان لە دەسدەێد، خوین چوودە ناو هەردگ سویە و بەسێدەیان.
كارين جوليث كارديناس ئەوروپی لەدویایی ماوەی کەمیگ لە رەسینی ئەرا ماڵ لەهووش خوەی چوود.
وەپای رووژنامەی "زە سەن"بەریتانی، براگەی وتیە: وە تەندروسی خاسیگ ئەرا ماڵ گڵەوخواردیە و هویچ گرفتیگ رخبەر تەندروسی نەداشتیە".
لە دویای ئەوەگ لەهووش چوود وە ئامبولانس رەسننەی خەسخانە لەورا چەن جار وەبان یەک تویش نۆرەی دڵ بویە.
براگەی وتیش لە وشکنینەیل دەرچگە بڕیگ فرە خوین لەناو سویەیلی لویلەی هەناسە و سورنچگی هەس و نەتونستیە هەناس بەێد.
بنەماڵەگەی وتنە سکاڵا توومارکەێمن لەبان داواکار گشتی نەشتەرگەری ئەرا دیاریکردن لایەن تاوانبار.