شەفەق نیوز/ کۆمپانیای تویتەر، ئمڕوو جومعە، راگەیان دوارە هەژمار گورانیچڕ ناودیار راپەر ئەمریکی کانییە وێست بەسایە، یەیش تەنیا دویای دوو مانگ لە دوارە گورجکردن هەژمارەگە؛ چوینکە لە تویتەیلی پێشێلی یاسایەیل پلاتفۆرمەگە بوی.

 ئیلیۆن ماسک خاوەن تویتەر لە تویتیگ لە درەنگانە وەخت دویەشەو پەنجشەممە نویسا: " گشت تەقەلایگ کردم، باوجی، دوارە پێشێل یاسایەیلمان کرد دژ وە تونوتیژی، ئەکاونتەگەی بەسیا".

لە مانگ ئۆکتۆبەر، ماسک وەوجویرە وەسف خوەی کەێد ک پاڵپشت رەهای ئازادیە، وە گلەوداین گورانیچڕ راپ ناودیار ئەرا تویتەر ئیسە  وە ناو کانییە.

دویکە ئیوارەی پەنجشەممە پلاتفۆرمەگە سنووردار یەکیگ لە تویتەیلی کرد، و ئەرا ماوەی یەک ساعەت ئەکاونتەگەی بەسا لە دویای جواوداینەوەی یەکیگ لە وەکارهاوەرەیل تویتەر ک وتیە"ئیلیۆن  تکایە، (ئەکاونتەگەی) کانییە خاوسەوبکە".

تویتەر وەرجە تەواوکردن سەنین تووڕ کۆمەڵایەتیەگە وە بڕ 44 ملیار دۆلار وە لایەن مەسک ئەکاونتەگەی گورانیچڕ راپەرەگە گورجەو کرد.