د. کامەران رەسوڵ ژاژڵەیی پسپۆڕ زانست خوەراک باس لە چوار جویر لەو ڤیتامینەیلە کردیە کە نیەود فرە لەلیان بخوریەد، چونکە لی تالەت زەردی فرەترەو بوود لە سوودی:
۱. ڤیتامین (C) : وەکارهاوردای ئەرا ماوەی فرەیگ هاتێ سەنگ گورچگ دروس بکەێد وەرد هەوکردن جومگەیل، هەمیش بوودە هووکار زگچین و زیایبوین غازات، تاقمەگلێ ژەهراوی بوین خوەراکیش دروسکەێد.
۲ . ڤیتامین (A) و کۆمه‌ڵه‌ی بێتاکارۆتینه‌گان: هویچ به‌ڵگه‌یگ نیه ئەرا کاریگه‌ری خوەپاراستن له شێرپه‌نجه جویر ئەوەگ باوە، وەکارهاوردنی ئەرا ماوەیگ فرە چەوری سیانی ناو خوین به‌رزەوکەێد بوودە هووکار سستی و وسانن جگه‌ر، گیژی، سه‌رژانە، ئەلاوردن، تێکچین نوڕستن و قژ کەفتن.
۳ . ڤیتامین (B6) : که وه پایرۆکسین ناو بریەد: وەکارهاوردنی ئەرا ماوەی فرەیگ هاتی بوودە هووکار لەناوچگن دەمارەگان وە رادەیگ ئەو کەسە نیەتوەنێد کۆنترۆل هەڵسوکەفت لەش و رەفتاری بکەێد.
٤ . ڤیتامین ( E ): وەکارهاوردنی ئەرا ماوەی فرەیگ هاتێ بوودە هووکار زیارتربوین شێرپەنجەی پرۆستات و فرەبوین ئەگەر مردن لەو بیمارەیلە بیماری خوینبەر دڵ دیرێد.