شەفەق نیوز/ میدیا جەهانیەیل بڵاوکردنەس، پارێزەریگ ماوەی 22 ساڵە بەشداری لە 100 دانیشتن دادگایی کردییە، توەنستیە داواگا بوەێدەو. 

وەگورەی هەواڵیگ بیبی سی ئەو پارێزەرە ناوی تونگناس چاتورڤێدی بویە لە ساڵ 1999 ئەرا سەندن دوو بلیت شەمەندەفەر لە ویلایەت ئوتار پرادێش 25 سەنت زیای لە نرخ بلیتەگە لەلی سەنریایە. 

تونگناس بڕیاردایە داوای یاسایی توومار بکەێد لە دادگا و دویای 22 ساڵ توەنست داواگە بوەێدەو پارێزەرەگە ئوشێد: "پارە وەلامەو گرنگ نییە، بەڵکم چەسپانن یاسا و رویوەروی بوینەوەی گەندەڵی ئەرام گرنگە."  

لە ئەنجام دادگا بڕیاڕ داگە لەبان ئیدارەی ئەو کڕ شەمەندەفەرەگە 25 سەنتەگە وەگەرد سووی ئی چەن ساڵە ئەرای گلەوبیەن ک کەێدە 188 دۆلار و 40 سەنت جویر سوو 22 ساڵ 25 سەنتەگەی ئەو پیاوە. .