شەفەق نیوز/ ئاژانس " یو بی ئەی" خەوەری ناودەوڵەتی، ئمڕوو شەممە، وت: پیاویگ عراقی چگە ناو کتاو گینس وە هەڵگردن ١٨ خا وە شیوەی ئەڵاجەۊییگ.
ئاژانسەگە لە زوان کتاو گینس وت: ئیبراهیم سادق تۊنست ١٨ خا بخەێدە بان پشت یەک دەسی، وەیەوە بۊەسە هاوماڵەی شمارەیگ پەیمانەیی وەرین، ک کابرایگ بەریتانی وەناو جاک هاریس لە ئایار ٢٠٢٠ ئی کارە کردگە.
سادق خەڵک شار ناسریەس، ئەرا ئاژانس یو بی ئەی لە راپۆرتیگ وەزوان ئینگلیزی ک ئاژانس شەفەق نیوز وەرگیڕانی کرد وتگە" فرە بۊەسە فێرخواز هەواسەنگی هەنای پارچە ڤیدیۆیگ ئەرا پیاویگ دیە سەنگەیل لەبان یەک دانەێد.
سادق وت: نووڕستن ئەوە چشت رەنگینیگ بۊە، ک خوەییش دەسکردیەسە هاوسەنگیکردن چشتەیلیگ، و وەخوەی زانستگە ک خوەییش ئی تووانا دیرێد.
سادق وتیش: هەر هەفتەیگ چوار رووژ هووکارەی خوەی کردگە، تا ئەرا وەدەسهاوردن شمارەی پەیامنەیی ئامادەی خوەی بکەێد، و ئی کارە ئاسان نییە.
وتیش زوور و ژان فرەیگ هاتیەسە بان دەسی، تا ئەوەنە ئی کارە ئەنجام بەێد.
ئاژانسەگە وتیش: ریسگایل کار گینس لە سادو خوازێد خاگە تا پەنج چرکە لەلای کەمەو وەکەڵەکە لەبان دەسی بمینێد، و هۊچ خایگ لەلیان نەکەفێد.