کۆڤارەگە ئویشێد، لە شانزە ساڵان تەمەند، یەکەمین شۆک هەستی وەخوەد دێ، و لە ناو سی ساڵان، کار و فەرمانبەری خەونەیلد لەدەس بردێ، و لە تەمەن پەنجا، شایەت کەفتیدە تاقیکردن تەڵاق سەختیگ یا کەفتێدە سەختییگتر، گشت ئەو وەختەیلە لە ژیانمان هەس وە خەفەت کردیمن، یا هیمان تا کەفێدە هویرمان خوسە خوەیمن.
وەلێ هەسکردن وە خەفەت و خوسە پەیوەندی وەو مەوقەیلە نەیرن ک ئایەمەگە خوەی وەتەنیا وەناویان رەد بوود، باوجی پەیوەندی وە گشتی مەغز ئایەم دیرێد، و ئەوەسە ک دەیڤید ج. بلانشفلاوەر مامووستای ئابووری لە کولێژ دارتموت باسی کەێد.
دەیڤید بلانشفلاوەر وەگەرد کەسەیلیگ لە ١٣٢ وڵات لە جەهان چەوپیکەفتن کرد، و نویسینگەی نیشتمانی تۆژینەوەیل ئابووری ئەنجامەیلی بڵاو کرد، ک وەیجویرە بوی:
وەبی نووڕستن ئەرا رەوش کۆمەڵایەتی و پیشەیی و ئەکادیمی، قەمچ خوەشهاڵی لە تەمەنیگ داوەزێد.
زیاترین بەدهاڵی لە دویادویای چل ساڵەس!
وەگورەی رووژنامەی "بيترا"، ئەو کەسەیلە ک رەسنە دویادویای چل ساڵەی تەمەنیان، رەسنە بەرزترین ئاست بەدهاڵی.
لە دەوڵەتەیل پیشەسازی، ئەو کەسەیلە لە تەمەن ٤٧.٢ ساڵە رەسنە ئەو ئاستە، و لە دەوڵەتەیل ئەوزەڵکردگ ئایەم لە تەمەن ٤٨.٢ رەسنە خوارترین ئاست خوەشهاڵی.
شیکردن زانستی ئەرا هەسکردن وە بەدهاڵی چوودەو ئەرا کەسەیل و ئامانجەیل ژیان ک وەگەرد وەختەگە گەشە کەن.
لە تەمەن بیس ساڵان، چشتیگ لە ژیانی خوازێد و لە تەمەن چل و پەنجا ساڵ چشتیگتر خوازێد.
لە ناو چل ساڵە، چەن پرسیاریگ خەریک هویرکردن ئایەم کەێد، لەبان سوود وەردەوامی لەبان رەفتاری یا تاقیکردن چشت نوویگ، هەمیش پرسیار لە شوین ژیانکردنی یا دابینکردن دارایی دویای ئەوە، و بەشیگ هەس کەن ک بچنەو ئەرا گەنجی خوەیان و خوەشی وە ژیانەگە بکەن دویر لەو گرفتەیل رووژانە ک تەواو نیەون، ک ئەوە وەپی ئویشن «قەیران ناوڕاس تەمەن» لەلای پیاوەیل.
خوەشهاڵیید وەیجویرە گلەو ببە
لەباوەت ژنەیل، باس بڕیان خوین لە دویادویای تەمەن چل ساڵە کەێد ک هەس بەدهاڵی لەلایان پەیا بوود، وەگەرد پرسیار لە ئامانج ژیان لە دویای ئەو تەمەنە، و هەمیش کەفنە زیان لەش، و هاتێ بڕەسنە خەموکی، وەگەرد ئەوەیش ک زایین مناڵ ئەرایان نییە.
رەسین ئەرا ئی خاڵە، خاڵیگ ئاڵشتبوینە و تەکانیگە وەرەو نووا لە ژیان ئایەم، ئەراوە، تەمەی کریەێد رەزامەنی وەخوەد بەخەێدە نووا، ئیجا پیشکەفتن پیشەیی، و هەناێ ئایەم ئامانجەیل نوویگ بخەێدە ناو ژیانی، توەنێد بنووڕێدە وەردەم و هەس و خوەشهاڵی بارێدەو.