شه‌فه‌ق نيوز/ هه‌ڤاڵ ئه‌بو به‌كر پاريزگار سلێمانى، ئه‌وه خسته دروو ك ناڕه‌زايه‌تى له‌باره‌ى گرتنه‌وه‌ر رێ وشوون قه‌يه‌غه‌ى هاتوچوو له‌وه‌ر ريگرى له ڤايرۆس كۆرۆنا نيشان داوێد، ئه‌ويش دوياى بڵاوبوينه‌وه‌ى هه‌واڵه‌يليگ له‌بان ئه‌وه‌گ سلێمانى كار له‌بان كه‌مه‌وكردن مه‌رجه‌يل تايبه‌ت وه قه‌يه‌غه ئه‌كا.
له‌ى باوه‌ته‌و، هه‌ڤاڵ ئه‌بو به‌كر ئه‌را شه‌فه‌ق نيوز وت: له‌ى قۆناغه ناتويه‌نێم قه‌يه‌غه‌ى هاتوچوو هه‌ڵگريم و كاره‌گه له‌بان مه‌زه‌نه‌يل پزيشكى مه‌ندگه.
جى باسه، پاريزگار سلێمانى هه‌ميش وت: ئه‌گه‌ر مه‌زه‌نه‌يل پزيشكى فه‌رمان له‌بان لاوردن قه‌يه‌غه‌ى هاتوچوو دا وه‌شيوه‌يگ قوناغ وه قوناغ، ئه‌وه له‌ى حاڵه‌ته‌يل ئه‌و كاره ئه‌كه‌يم، وه‌لێ ئه‌گه‌ر وه‌چه‌واشه‌وه بوێ ئه‌وه وه‌رده‌واميم له چه‌سپانن قه‌يه‌غه‌ى هاتوچوو.