شەفەق نیوز/ پولیس سلێمانی، ئمڕوو شەممە، خەوەردا لە دەسگیرکردن سێ توومەتبار کە لە ری بازیەیل ئەلکترۆنی بڕە پویل فرەیگ لە هاوڵاتییگ سەندنە.
وەڕبەرایەتی پولیس سلێمانی لە بەیاننامەیگ رەسیە ئاژانس شەفەق نیوز وت، " دویای ئەوەگ هاوڵاتییگ داد توومار کر بڕە پویلیگ لەناو ماڵەگەی دیار نەمەنییە، مەفرەزەیل پولیس لێکڵینەوە و وەدویاچگن دەسوەپیکردن، لەئەنجام دەرکەفت باندیگ سێ کەسی لەژیر فشار و هەڕەشە یەکیگ لە ئەندامەیل ئەو ماڵە کە نەوجەوانە ناچارکردنە بڕ 52 ملیۆن دینار لەماوەی دوو ساڵ بدەێد، دویایش داوای بڕیگ پویلتر لەلی کردنە و ناو هیزەیل ئەمنی وەکارهاوردنە ئەرا رخبردنی".
ئاشکەرا کرد " ئیرنگە توومەتبارەیل وە بڕیار دادوەر وەپای مادەی 452 لە یاسای سزادان دەسگیرکریانە و لێکۆڵینەوە وەگەردیان وەردەوامە".