شەفەق نیوز/ وەزارەت تەندروسی لە هەرێم کوردستان، ئمڕوو شەممە، راگەیان تۆمارکردن ١٢ مردن، و ٤٤٢ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.
وەزارەتەگە لەبەیانامەیگ رەسیە ئاژانس شەفەق نیوز وت: تاقێگەیلی لە ماوەی ٢٤ ساعەت گوزەیشتە ٦٦٨٧ تاقیکردنەوە ئەنجام دار لەناویان ٤٤٢ تووشهاتن نوو وە ڤایڕۆس کۆڤید-١٩ لە گشت ناوچەیل هەرێم کوردستان ئاشکرا کرد.
وتیش؛ ٢١١٨ بیمار لە پەتاگە خاسەو بوین، و هەمیش ١٢ بیمار لەوەر پەتاگە لە ناوچەیلیگ جیاجیا لە هەرێم ئمڕوو مردن.
بەیاننامەگە دیاری کرد ک گشت ژمارەی تووشهاتنەکان رەسیە ١٩٩٣٣٥، لەلیان ٢٥٩٢٢٤ خاسەو بوینە، و ٣٤٦٥٨ تووشهاتگ خانە ژیر چەودیری پزشکی، وەرانەور مردن ٥٢٥٣ بیمار لەوەر پەتاگە لە وەخت بڵاوبوین ڤایرۆسەگە لە هەرێم کوردستان.