شەفەق نیوز/ وەرپرسەیلیگ لە قەزای خانەقین، ئمڕوو شەممە، راگەیانن دەسکردن وە دابینکردن ئاهەنگەیل جەژن نەوروز وە ریکار وپلانەیلیگ خزمەتگوزاری و ئەمنی توکمە و ئاسانکردن هاتوچگن گەشتیارەیل ئەرا ناوچەی گەرمیان کوردستانی ئەرا ئاهەنگەیل جەژن نەوروز.  

دلێر حەسەن سایە قایمقام قەزای خانەقین، ئەرا ئاژانس شەفەق نیوز وت: کەرتەیل ئەمنێ و هێزەیل پاڵپشتی، دەسکردنە پلانیگ گشتگیر ئەرا ئارامکردن وەناوهاتن گەشتیارەیل ئەرا کەرنەڤاڵ جەژن نەوروز وەرەو قەزای خانەقین، و دیاری کرد ک پلامەگە رێکخستن هاتوچو و دراتن ماشین و کاروامەیل گەشتیارەی و ئارامکردن نزیکەی ٧ شۊن گەشتوگوزاری لەناو خانەقین گریدەو.  

سایە مەزەنە کرد ک شمارەیل هاتگەیل ئەرا خانەقین لە رووژەیل جەژن زیاترەو بوود،.دۊای سووکەوکردن ریکارەیل کۆڕۆنا،  و نەمەنی بەش فرەیگ لە رخەگەی وەگەرد ئارامی ئاسایش لەناو خانەقین و دەوگردی، و فرەی ناوچەیل سنووری وەگەرد کەرتەیل ئیداری و هەرێم کوردستان.  

وەرپرسە خۆجێیەگە داوا لە گەشتیارەیل کرد هاوکاری وەرد دەزگا ئەمنی و حکومەتیەیلە بکەن وەخاتر سەرکەفتن پلان نەوروز، وەبی هۊچ گرفت و رۊداویگ، و جەژنەیل نەوروز بکەنە بوونیگ ئەرا پێکەوەژیان ناوبەین گشت پێکاتەیل دیالە.  

وەگەرد پلان ئارامکردن ئاهەنگەیل نەوروز،  سەمیر سەردار وەڕیەوبەر فەرمانگەی گەشتوگوزاری خانەقین سەروە هەرێم کوردستان،  ئاشکرای ریکارەیل ئاسانیگ کرد ئەرا رەدبۊن ئەو کاروانەیلە لە خانەقین وەرەو قەزای کەلار، و دایین مووڵوتەیل وەناوهاتن تا نوای گرفتەیل دیرکەفتن و ریگری لەنوایان بگریەێد.  

سەردار لە قسەیلی ئەرا ئاژانس شەفەق نیوز ناس بەرزەوبۊن شمارەی گەشتیارەیل و سەردانکەرەیل خانەقین و وەرەو کەلار وە ئاستیگ فرەتر لە دوو ساڵ گوزەشتە کرد، لەوەر ئارامی ئەمنی و نەمان بەش گەورەیگ لە رخەیل پەتای کۆرۆنا، وەگەرد خاسەوبۊن داهات دارایی فرەی سەردانکەرەیل لە دەیشت خانەقین و دەیشت پارێزگای دیالە.