شەفەق نیوز/ ئاژانس هەواڵگری سەروە وەزارەت ناوخۆی عراق، ئمڕوو شەممە، راگەیان دەسگیرکردن ١٣ ئەندام لە ریخریاگ داعش لە پارێزگای نەینەوا.

لە بەیاننامەیگ رەسیە ئاژانس شەفەق نیوز وت: مەفرەزیل ئاژانس هەواڵگری لە وەڕێۆبەرایەتی هەواڵگری نەینەوا لە وەزارت توێنستن دەسگیر ١٣ تیرۆرست لە جووراجور ناوچەیل پارێزگای نەینەوا بکەن، و دیاری کرد ک دەسگیرکریایەگان وەگورەی مادەی ٤ تیرۆر لەوەر لایەنگرییان ئەرا چەتەیل داعش داوا کریاگن.

بەیاننامەگە دیاری کرد ک خوەیان لە فیرقەی فوڕقان و پۆلیس نا ئیسلامی و کامپە گشتیەگان وفیرقەی زات سەواری وەشیوەی سەرباز و ئەمنی و پاڵپشتی وە جووراجور ناو و نازناوەیل کار کردنە، و ئاماژە کرد ک خوەیان لە لێکۆڵینەوەگان ئاشکرای لایەنگرییان ئەرا چەتەیل داعش کردن و بەشداربوینیان وەچەن کارەیلیگ تیرۆری دژوە هێزە ئەمنیەگان وەرجە رزگارکردنەگە کردنە.

بەیاننامەگە دیاری کرد ک قسەیل ئاشکراکردنیان واژوو کریا، و ریکارە یاساییەگانی وەدژیان بریا.