شەفەق نیوز/ سەرۆک هەرێم کوردستان نێچیروان بارزانی، ئمڕوو سێشەممە، لەمیانەی پیشوازیکردن لە ئەمیر ئیزیدیەیل عراق و جەهان حازم تەحسین ، گفتوگوکرد لەباوەت بارودۆخ ئاوارەیل ئێزیدی و قەزای شەنگال.
نویسینگەی راگەیانن سەرۆکایەتی هەرێم، لە بەیاننامەیگ رەسیە ئاژانس شەفەق نیوز وت، "سەرۆک هەرێم کوردستان نێچیروان بارزانی، ئمڕوو سێشەممە، پیشوازی کرد لە حازم تەحسین بەگ، ئەمیر ئێزیدیەیل لە کوردستان و عراق و جەهان".
وتیش، "هەردوگ لایەن هویروڕا ئاڵشتکردن لەباوەت بارودۆخ ئێزیدیەیل و مافیان لە هەرێم کوردستان و عراق،و دووپاتکرد لەبان ئەوەگ هەوەجە کەێد خزمەتیگ خاستر پێشکەش وە هاوڵاتیەیل ئێزدی بکرێد لە گشت لایگ".
وتیش "گفتوگوکریا لەبان بارودۆخ شەنگال و ئاوارەیل ئێزیدی و گوزەرانیان لەناو کەمپەیلە".