ئەوەیش لە وتاریگ هات کە لەناو رسوومەیل دەهەم ساڵیاد جینۆسایدکردن ئێزدیەیل پیشکەشی کرد کە لە شار هەولێر پایتەخت هەرێم کوردستان وەڕیەو چگ، و پەیامنێر ئاژانس شەفەق نیوز ئامادەی بوی.

سەرۆک نێچیروان بارزانی لە وتارەگەی باس ئەو جینۆسایدە کرد کە وت: یەکیگە لە قیزەونترین تاوانەیل لە میژوو، وتیش: ئمڕوو، دویای رەدبوین ١٠ ساڵ وەبان ئەو کردەوە، هیمان زەخمەگەی تیمار نەویە، و هاوڵاتیەیل ئێزدیەکان لە ئەنجامەیلی زیان دوینن، ساڵیاد بەکیگ لە تاوانە رخبەرەیل کە کەفتە کاروان گورز کیمیایی، و ئۆپەراسیۆنەیل ئەنفال، و زەنیوەچاڵکردن قوربانیەیل، و ویرانکاری، و گشت ئەو تاوانەیلە وەبان گەل و خاک کوردستان.

وتیش: شەهیدبوین زیاتر لە ٥ هەزار کەس، کە سەدان لەلییان لە گولەواران کوشیان، و نریانە نزیکەی ١٠٠ قەورسان کۆمەڵەی لەژیر زەوی، و رفیان زیاتر لە ٦ هەزار و ٤١٧ دویەت و ژن و مناڵ ئێزدی، و فرووشتن و سەنین لەناو بازاڕەیل، کە وەداخەو هیمان نزیکەی ٢٥٩٦ رفیاگ ئێزدی چارەنویسیان نادیارە.