بارزانی لە کۆنگرەیگ رووژنامەوانی هاوبەش وەگەرد سيباستيان ليكورنۆ وەزیر سوپایل فەرەنسا، لە هەولێر پایتەخت هەرێم کوردستان وت: گردەوبوینمان خاس بوی، و لەناوی باس جەنگ دژوە داعش کردیمن.
وتیش؛ هیمان داعش مەترسی لەبان ئاسایش ناوچەگە دیرێد، ئەراوە بابەتە دەوڵەتەیل هاوپەیمان ناودەوڵەتی و فەرەنسا لە دەسمیەتیمان ئەرا دژایەتی تیرۆر وەردەوام بوون.
بارزانی وتیش؛ سوپاس فەرەنسا کردیمن ئەرا پاڵپشتیکردن وەردەوامی، و گەل کوردستان قەت ئەو دەسمیەتیە ک فەرەنسا ئەرا هەرێم کوردستان پیشکەش کردیە لە هویری نیەچوود.
وەرجەیە، سيباستيان ليكورنۆ وەزیر سوپایل فەرەنسا، رووژ چوارشەممە، رەسیە هەولێر پایتەخت هەرێم کوردستان.
وەگەرد رەسینی، دەسکردە گردەوبوینیگ وەگەرد نێچیروان بارزانی سەرۆک هەرێم کوردستان.
هەمیش بڕیارە لەی سەردانە چەوی بکەفێدە مەسعود بارزانی سەرۆک پارت دیموکرات کوردستان.
سەردان وەزیر سوپایل فەرەنسا ئەرا هەولێر، دویای سەردانیگ شەوەکی ئمڕوو تیەێد ئەرا بەغداد پایتەخت و گردەوبوینی وەگەرد محمد شیاع سودانی سەرۆک وەزیرەیل حکومەت فیدڕاڵی.