شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، داواکاریی وە جیوەجیکردن رێککەفن شنگال ناوەین حکومەت هەرێم کوردستان و حکومەت فیدراڵی نووەو کرد، و زوور لەبان گرنگی دەرچگن پەکەکە لە قەزاگە کرد، تا ئێزیدیەیل حکومڕانی خوەیان بکەن.
ئەوەیش لە وتاریگ هات کە لەناو رسوومەیل دەهەم ساڵیاد جینۆسایدکردن ئێزدیەیل پیشکەشی کرد، کە لە شار هەولێر پایتەخت هەرێم کوردستان وەڕیەو چگ، و پەیامنێر ئاژانس شەفەق نیوز ئامادەی بوی.
سەرۆک نێچیروان بارزانی لە وتارەگەی وت: شنگال ئاساییکردن رەوشەیل ناوی خوازێد، وە جیوەجیکردن رێککەفن شنگال، وتیش: بایەسە حکومەت هەرێم کوردستان و حکومەت فیدڕاڵی رێک بکەفن ئەرا ئاساییکردن رەوشەیل لە ناوچەگە تا پیکاتەی ئێزدی نەوودە قوربانی.
دووپات کرد کە بایەسە خەڵک شنگال حکومڕانی خوەیان بکەن، و نەبایەس هیزیگ دەرەکی لەبانیان زاڵ بوود، و بایەسە پەکەکە لە قەزاگە دەرچوود.