شەفەق نیوز/ نێچیرڤان بارزانی سەرۆک هەرێمی کوردستان، پەیامیگ پیرووزبایی لە هاکان فیدان وەزیر دەرەوەی تورکیا وە بوونەی نەورۆزەوە ئەرای رەسی.
وەگورەی بەیاننامەی سەرۆکایەتی هەرێم، وەزیر خواست خوەی ئەرا ساڵیگ پڕ لە خوەشی و دڵنیایی و تەندروسی خاس ئەرا سەرۆک نێچیرڤان بارزانی نشان دا.
وەزیر دەرەوەی تورکیا لە پەیامەگە نویسان: جەناب سەرۆک هاوڕيي ئازیزم، لە دڵەو پیرووزبایی جەژن نەورووز لەلید کەم، کە هێمای خوەیڕاگری، ئارامی، گلەوخواردن ژیانە ئەرا سروشت، و ساڵ نوو، و نەریتیگ هاوبەش قویل ئەرا ئیمە. فیدان هەمیش ئومید خوەی نشان دا ئەرا بەرزکردن هاوکاری و هاوبەشی ناوەین هەردگولا وەخاتر وەدەسهاوردن ئاشتی و ئارامی لە ناوچەگە.