بارزانی باس داهێنانەگەی نەجار وە خزمەت مەزنیگ ئەرا مرۆیی و دویارووژ پزشکی کرد، ک توێنێد ژیان هەزاران کەس رزگار بکەێد، و دووپات پشتگیریکردن تەواوەتی ئەرا سەرکەفتن پڕۆژەیگ ئایندەیی ئەرا پزشکەگە کرد، و خوەی و گشت داهێناندارە کوردستانیەگان وە جی شانازی ئەرا گەل کوردستان دانا، و وت: ئیمە شانازی وەتو کەیمن.

لەلای خوەییش ئازاد نەجار باس لە سوپاس خوەی لە پشتگیریکردن سەرۆک نێچیرڤان بارزانی کرد، و ئومید خوازرد ک داهێنانەگەی لە خزمەت چین پزشکی هاوکار بوود، و بتوێتێد لە ئایندە ئامێرەیلیگ پزشکی نوویگ داهێنان بکەێد.

جی باسە ک پزشک ئازاد نەجار هالە تەمەن ٥٣ساڵان، و خەڵک زاخۆس، و جوور پزشکیگ لە سوید کار کەێد، و دویای ٢٠ ساڵ لە کار وەردەوامی توێنست دڵیگ دەسکرت دروس بکەێد، وهەمیش خوەی خاوەن چەن داهێنانیگە لە چین ئەندامە دەسکرتەگان و ئامێرە نەشتەرگەریەگان، و بڕوانامەیلیگ ئەرا پارێزبەندی داهێنانەگانی وەرگردگە.