شەفەق نیوز/ نێچیرڤان بارزانی سەرۆک هەرێم کوردستان، ئمڕوو سێشەممە، باس لە پاڵپشتی خوەی کرد ئەرا رێکخستن کۆنگرەیگ لەباوەت سووفیەگان لە عراق.

ئەوەیش لە دیدار شێخ نەهرۆ محمد عەبدولکەریم کەسنەزانی گەورای تەریقەی قادری کەسنەزانی و شاند یاوەری هات.

بەیاننامەیگ لە سەرۆکایەتی وت: نێچیرڤان بارزانی باس لە دەور گرەنک سووفەیت لە پەخش هەست یەکسانی و رەددتکردن توندوتیژی و توندڕەوی ئاینی کرد، و بڵاوکردن ئاشتەوایی ویەک قەبوڵ کردن، و لەی باوەتە ئاماژە کرد لەو قورسیە سەنگینە ک شێخەگە و ترقەریقەتەگە هەڵیگرێد، و دووپات لە رێزگردنی لە پایە و دەور شێخ و تەریقەتەگە کرد.

لەلای خوەییش کەسنەزانی باس لە رک و ئامادەیی خوەی کرد ئەرا رێکخستن کۆنگرەیگ لەباوەت سووفیەت لەناوی دووپات کریەێد لە پەیام نەرمایی و یەکسانی و رەتکردن توندوتیژی، و لە گشت شووینیگ مکیسی میوانەگان کریەێد.

سەرۆک نێچیرڤان بارزانی پاڵپشتی تەواوی سەرۆکایەتی هەرێم کوردستان ئەرا رێکخستن کۆنگرەکە نیشان دا.