مەسعوود بارزانی وت: سی و شەش ساڵ وەرجە ئیسە و لە ماوەی ناوەین ٢٥ ئاب ١٩٨٨ و ٦ ئەیلول ١٩٨٨ و لە چوارچیوەی زنجیرەیگ تاوانی رژیم عراق وەرانەور خەڵک کوردستان، فرەی ناوچە و ئاوایەیل، وەشیوەیگ وەرچەو رویدا لە ناوچەی بادینان تەیش کیمیاواران نامرۆڤانە و دەسگیرکردن و کوشتن و بڕین و ئەنفال  مەردم بیتاوان بوین وەدەس هیزەیل رژیم عراق لەو وەختە.

 وتیش: لەئەنجام ئەو تاوانە نامرۆڤانە هەزاران هاوڵاتی کوردستان شەهید و بیسەروشوین و ئاوارەبوین و سەدان ئاواییش ویران بوین،  ئامانج لە تاوانەیل رژیم وەرین عراق شکانن ئیرادەی خەڵک کوردستان بوی ئەرا پشتیوانی لە شووڕش و درویژەدان وە سیاسەت ئاڵشتکردن دیمۆگرافی لە کوردستان.

 هەمیش وت: نەبایەس ئەو تاواەیلە لە هویر بوەیمن و دەوڵەت عراق قەرەبوو تاوانەیل جینۆساید و تاوانەیل ترەک و گست ئەو نادادپەروەرییە وەرانەور میللەتەگەمان  بکەێد.

 ئۆپەراسیۆنەیل ئەنفال، یا "هەڵمەت ئەنفال"، یەکیگە لەو ئۆپەراسیۆنە جینۆسایدانە کە رژیم وەرین عراق دژ خەڵک کوردستان جیوەجی کرد، رژیمەگە لە ساڵ ١٩٨٦ دەسوەپی کرد و لە ساڵ ١٩٨٨ رەسیە لویتکە و تا ساڵ ١٩٨٩ وەردەوام بوی.

 سەرکردایەتی هەڵمەتەگە - لەو وەختە - دریا دەس عەلی حەسەن ئەلمەجید، ناسریاس وە "عەلی کیمیایی"، کە سکرتێر نویسینگەی باکوور حزب بەعس هەڵوەشیاگ بوی، و جویر پارێزگار سەربازیی ناوچەگە کار کرد، لە وەختیگ سوڵتان هاشم، وەزیر وەرین وەرگری عراق، فەرماندەی سەربازیی ئەو هەڵمەتە بوی.

 رووژ 3ی ئایار 2011، دادگای باڵای تاوانەیل عراق هەڵمەت "ئەنفال" وە "تاوان دژ بە مرۆڤایەتی و جینۆساید" دادە قەڵەم، و عەلی حەسەن ئەلمەجید، وەزیر وەرگریی  رژیم وەرین بە سەرپەرشتیکردن کیمیاواران لەبان شارە هەڵەبجە سزا دا.

 دادگا بڕیار لەسێدارەدان عەلی حەسەن ئەلمەجید دەرکرد و سزای لەسێدارەدانەگەی لە ٢٥ کانوون دویەم ٢٠١٠ جیوەجی کربا.

 حکومەت هەرێم کوردستان رووژ 14ی نیسان گشت ساڵیگ جویر رووژیگ ساڵانە ئەرا یادکردن قوربانیەیل ئۆپەراسیۆنەیل ئەنفال دانا.