شه‌فه‌ق نيوز/ له بۆردومانيگ له مه‌رزه‌يل قه‌زاى مه‌خمور له نزيك هه‌ولێر پايته‌خت هه‌رێم كوردستان ك له‌لايه‌ن ته‌ياره‌يل هاوپه‌يمان ناوده‌وڵه‌تييه‌و ئه‌نجام دريا, 10 تيرۆريست سه‌ر وه ريكخرياگ داعش كوشيان و هيزه‌يل پێشمه‌رگه‌يش له چالاكى و جموجويل ئه‌و ريكخرياگ تيرۆريستيه له ناوچه‌گه وشدارێ دا.
له‌و باوه‌ته‌و، سه‌رچه‌وه‌يگ له هيزه‌يل پێشمه‌رگه له محوه‌ر مه‌خمور له لێدوانيگ رووژنامه‌گه‌رێ وت: چه‌كداره‌يل ريكخرياگ داعش له مه‌رزه‌يل قه‌زاى مه‌خمور ده‌سكردنه‌سه جموجويل و هاوپه‌يمان ناوده‌وڵه‌تييش ده‌سكرده‌سه چه‌وديرێكردن ئه‌و جموجويله وه‌شيوه‌يگ پڕ دقه‌ت له‌وه‌ر ئه‌وه‌گ چه‌كداره‌يل وه‌جه‌م له ئاوايه‌يليگ له ناوچه‌گه ده‌رئه‌كه‌فن و له‌شێوه‌ى مه‌فرزه‌يل له‌ناو مه‌خمور جموجويل ئه‌كه‌ن.
سه‌رچه‌وه‌گه باس له‌وه‌يش كرد ته‌ياره‌يل جه‌نگى هاوپه‌يمان ناوده‌وڵه‌تى په‌لاماريگ ئه‌را بان ره‌تڵيگ داعش ئه‌نجام دانه‌و 10 تيرۆريست كوشتنه بيجگه كه‌فتنه‌وه‌ى زه‌ره‌ده‌يل فره‌يگ له رزه‌يل ئه‌و ريكخرياگ تيرۆريستيه.