شەفەق نیوز/ وەزارەت کووچ عراقی، ئمڕوو سێشەممە، گلەوخواردن 170 ئاوارەی ئێزیدی لە کەمپ شاریا دهۆک ئەرا میلکانیان قەزای شەنگال راگەیان.
خانمە وەزیر ئیڤان فایق جابرو لە بەیاننامەیگ رەسییە ئاژانس شەفەق نیوز وت، ئمڕوو 170 ئاوارەی ئێزیدی وە ئەزرەت خوەیان لە کەمپ شاریا لە پارێزگای دهۆک ئەرا میلکانیان لە قەزای شەنگال و دەوروگەردی و ئاوایەیل سەر وە پارێزگای نەینەوا گلەوخواردن وە هەماهەنگی وەگەرد هێزە ئەمنیەیل و حکومەت ناوخوەیی هەردگ پارێزگا و سەرۆکایەتی ئۆپراسیۆنە هاوبەشیەیل ئەرا دەستەبەکردن گلەوخواردنیان".
وتیش " کەلوپەلەیل ناو ماڵەیان لە کەمپەگەو ئەرا ناوچەیلیان کلکریایە وە هەماهەنگی وەگەرد رێکخریاگ ناودەوڵەتی کووچ (IOM)"، دووپاتکرد "گلەوخواردگەیل هەر مەوقە رەسینە میلکانیان شتومەک و دەسمیەتی دابینکریاگ گرێدەیانەو، لەماوەی چەن رووژ ئایندە شایەت گلەوخواردن ئاوەرەیلین وە ئەزرەت خوەیان لە کەمپەیل دهۆکەو ئەرا ناوچەیلیان لە شەنگال".