چالاک رەئووف سەرۆک سەندیکاگە لەناو کۆنگرەیگ رووژنامەوانی ئاژانس شەفەق نیوز ئامادەی بوی وت: لە ساعەت دەی شەوەکی ئمڕوو، کریکاریگ وەناو دیار ئەحمەد روستەم لە تەمەن ٣٤ ساڵان، دویای کەفتنی لەبان بینایگ لە کۆمەڵگەی تیشتەجیبوین (دایک) لە سلێمانی گیانی لەدەسدا، لەوەر نەویین کەرەستەیل بیوەیی و ئاسایش لە شوین کارەگە.
وتیش: قوربانیەگە ئەندامە لە هیزەیل پیشمەرگە، و دوو مناڵ دیرێد.
رەئووف وتیش: لەماوەی مانگ ئەیلوول سێ مردن کراکارەیل لە شوینەیل کار توومار کریا، وەیەوە شمارەی مردن کراکارەیل لەناو کار رەسیە ١٨ کەس لەماوەی نۆ مانگ گوزەشتە، و یەیش شمارەیگ گەورەس، بایەتە لەبانی بووسیەیمن.
سەرۆک سەندیکاگە داوا لە بانگەشەکار گشتی کرد دەسبیێدە وەر و لێکۆڵینەوە لەەوە بکەێد کە چە هیشتیە ئەندامیگ له پێشمەرگە مەوقەی هوچانەگەی بوودە کراکار بیناسازی، ولە نەویین مەرجەیل بیوەیی لە شوینەیل کار، و دووپات کرد کە تا ئیسە سزای هویچ کۆمپانیایگ نەیریایە لەبان مەرجەیل بیوەیی لە شوینەیل کار، و رییش وەپیمان نەیریا تا بزانیمن چوین مردیە.
لەلای خوەییش، سەرچەوەیگ تەندروسی لە سلێمانی ئەرا ئاژانس شەفەق نیوز دووپات کرد کە ئەندامیگ له پیشمەرگە مەوقەی کارکردنی جویر کراکار بیناسازی لە یەکیگ لە پڕۆژەیل بەرهەمهاوردن، لە ئەنجام کەفتنی لەبان بینایگ نیشتەجیبوین گیانی لەدەسدا.
دیاری کرد کە قوربانیەگە لەداڵگبوی ساڵ ١٩٨٩ بویە، و ژن خوازیە و دوو مناڵ دیرێد، و ئیرنگە تەرمەگەی هالای پزشک دادوەری لە سلێمانی.