شەفەق نیوز/ حکومەت هەرێم کوردستان، ئمڕوو سێشەممە،دوو بڕیار لەباوەت زوان کوردی دەرکرد، ئەوەیش وە بوونەی رووژ جەهانی زوان داڵگی.
فەرمانگەی راگەیانن و زانیاری لە بەیاننامەیگ رەسیە ئاژانس شەفەق نیوز وت: ئەرکدار وەزارەت خوەنستن باڵا و وەزارەت پەروەردە کریا، تا بەرنامەیگ کونجیاگ ئەرا هوکارەکردن زوان کوردی وەو بیگانەیلە دانەێد ک هەرێم کوردستان کار کەن، ئەوەیش وە هەماهەنگی وەگەرد پسپۆڕەیل و ئەکادیمیایەیل.
لەباوەت دویەم بڕیارەگە، بەیاننامەگە وتیش: نویسانن تابڵۆ وە زوان کوردی لە گشت دامودەزگایل حکومەتی و نا حکومەتی و نوینەرایتی و قونسوڵخانە و کۆمپانیایل کەرت تایبەت وەگەرد هوتێل و ناوچەیل گەشتوگوزاری، هەمی لیستەیل خوەراک لەناو چیشتەخانەیل، وتیش: ئی دوو بڕیارە لە بنەمای یاسای زوانەیل فەرمی لە هەرێم کوردستان شمارە ٦ ئەرا ساڵ ٢٠١٤ وە فەرمان سەرۆک حکومەت هەرێم کوردستان و ئەرا مقیەتیکردن زوان کوردی و گرنگی داین وەپی تیەێد.