لە بەیاننامەیگ وەزارەت پەروەردەی هەرێم رەسیە ئاژانس شەفەق نیوز، ئەرا یاد گیان قوربانیەیل جینۆساید و ئەنفال لە وەرانوەر وە گەل کوردستان کریا، لە مەکتەوەیل چەن چرکەیگ بی دەنگ بوون ئەرا ماتەم گیان قوربانیەیل وەرجە ئەوەگ دەسبکرێد وە وانەی یەکەم"وتیش "مەکتەوەیل باس لەی جینۆسایدە ئەرا خوەنەوارەیل کەن".
لە سلێمانیش، دیمەن محەمەد وەرپرس رێکخریاگ چیرووک ئەنفال ،ە ئاژانس شەفەق نیوز وت: "وە بوونەی یاد (36)ساڵەی رویداو ئەنفال ئمڕوو پێشانگایگ فۆتوگرافی ئەرا هونەرمەن جەوهەر کانی هەنجیری رێکخریا".
وتیش ؛ " پێشانگاگە 36 وینەی فۆتۆگرافی گرێدە خوەی جویر دەربڕینیگ ئەرا ساڵەیل یادکردنەوەی هەر لە سەرەتاوە تا ئیسە" دیاریکرد "پێشانگاگە سوو لە قەزای چەمچەماڵ رێکخرێد و چالاکیەگانی تا مانگ ئایار ئایندە لە گەرمیان و ئەو ناوچەیل ترەک مەردمەگەی رویوەروی پرۆسەی ئەنفال بوینە وەردەوام بوود، کە ئێ تاوان بەدە تا مانگ ئەیلوول وەردەوام بوی".