ئاسایش لە بەیاننامەیگ رەسیە ئاژانس شەفەق نیوز وت: لە ساعەت الـ8:00 شەوەکی ئمڕوو، هیزەیل ئاسایش لە ناحیەی قەرە هەنجیر لە پارێزگای کەرکوک وە تەقەلای دەسگیرکردن دووان لە چەکدارەیل داعش لە بنەمای زانیاری و وەشوینکەفتن، و تەقە لەلییان کردن، و یەک تیرۆست کوشتن و یەکیگیش زەخمدار کردن.

دیاری کرد کە ئی دوو ئەندامە لە ریخریاگ داعش روی کردنە ناوچەگە ئەرا جیوەجیکردن کارەیل تیرۆری، و وەرجەیە ئەندامیگ پولیس کوشیا، و دویەم گلە مەوقەی داناین بومبیگ لە گەڕەک پەنجە عەلی تەقە کریا، کە هەمیش ئەندامیگ پولیس کوشیا، و لە سێیەم جاریش دوو ئەندام پولیس لەناو بازاڕ کەرکوک کوشیان، و لە چوارەمەگە ئەفسەریگ پولیس وەرانوەر خەسەخانەی جمهوری کوشتن، بیجگە چون کردەوەیەک تیرۆری.

بەیاننامەگە وتیش: وەداخەو لەی تەقەکردنە لە ناحیەی قەرە هەنجیر ئەندامیگ ئاسایش وەناو جوامیر عەزیز رەشید شەهید بوی، و ئەندامیگیش زەخمدار بوی.