شەفەق نیوز/ وەڕێەوبەرایەتی گشتی تەندروسی سلێمانی، ئمڕوو پەنجشەممە، داوا لە قایمقامیەت شارەگە کرد قەیەغەی بەشیگ لە سەوزە لەناو بازاڕ و چیشتەخانەیل بکەێد.
دوو کتاو فەرمی لە وەڕێوەبەرایەتی تەندروسی سلێمانی، ک چاپیگ لەلیان کەفتە دەس ئاژانس شەفەق نیوز؛ نشان داوای لە قایمقامیەت سلێمانی دەێد، وە قەیەغەکردن فرووشتن و وەکارهاوردن سەوزە لە گشت چیشتەخانەیل وشوینەیل گشتی دەێد.
فەرمانگەگە لە کتاوەگەی دووپات لە ئاگادرکردن عەلوەیل سەوزە ولایەنەیل پەیوەندیدار و ناوەندەیل بازرگانی کرد وە قەیەغەی گشت ئەو سەوزەیلە ک وەئاو قورس ئاویاری کریانە، وەگەرد قەیەغەی وەکارهاوردن ئەو ئاوە لە ئاویاری هەر چینیگ لە بەرهەمەیل کشتوکاڵی جویر خەس و لەهانە.
دویەکە چوارشەممە، تەندروسی سلێمانی بەرزەوبوین تویشهاتن زگچین وهەڵاوردن و وڕبوین لە شارەکە راگەیان، و باس توومارکردن نزیکەی ٤٠٠ تویشهاتن تەنیا وەماوەی ١٢ ساعەت کرد.