شەفەق نیوز/ قایمقامیەت سلێمانی لە هەرێم کوردستان، ئمڕوو سێشەممە، بەسیان هەفت ئاشخانە لە شارەگە راگەیان لەوەر پابەندنەوین وە مەرج و رینمایل دەسەیلی.

قایمقامیەت لە بەیاننامەیگ رەسیە ئاژانس شەفەق نیوز وت: لەوەر پابەندنەوین وە مەرجەیل تەندروسی و ڤێتێرنەری و ئەو رینمایلە، هەفت چیشتەخانە دویەشەو لەناو شارەگە بەسیا.

وتیش: ئەو چیشتەخانەیلە ک بەسیان یانە بوین: (دڵین، نارین، دهۆک، بەغداد، کەرنەڤاڵ، هەنولە، دۆلفین) و گشتیان هانە سەرچنار لە پارێزگای سلێمانی.

دیاری کرد ک خاوەن ئەو چیشتەخانەیل پیشێکار ئەوەسا کەفنە وەر ریکارەیل یاسایی چوینکە لە سەرەتا ئاگادار کریانە و ئەگەر دووارەی کردن باج خریەێدە بانیان، و لە گام سێیەم پەیماننامە لە دووارەنەکردن پێشێلکردن نویسنن، و لە چوارەم جار خریەنە دادگا.

بەیاننامەگە وتیش: خاوەن ئی چیشتەخانەیلە وەرجەیە پەیماننامە نویسانە وە پابەندی وە مەرج و رینمایل، باوجی پابەند نەوین.