وەڕیەوبەرایەتیەگە لە بەیانامەیگ راگەیان، " وە سەرپەشتیاری دکتۆر سەباح نەسرەدین وەڕیەوبەر گشتی تەندروسی سلێمانی و وە ئامادەبوین نەجمەدین حەسەن لیپرسیاگ ئۆفیس سلێمانی ریخریاگ تەندروسی جەهانی لە سلێمانی و شمارەیگ لە لیپرسیاگەیل کەرت تەندروسی کووبوینەوەیگ لە خەسخانەی شار ئامادەن ئەرا ئامادەکاری رویوەرویبوینەوەی تەو خوەین وەربوین.
ئاشکەرایکرد، لە کۆبوینەوەگە وەڕیەوبەر گشتی تەندروسی سلێمانی سەرجەم بەشە جیاوازەیل راسپاردیە ئامادەکاری بکەن ئەرا بەڕەنگارەوبوین بیماریەگە و بڕیارە گشت بەشەیلە لە پەیوەنی وەردەوام بوون وەگەرد لایەنەیل پەیوەنیدار و رینمایی تەندروسی زیاتر لەری کاناڵەیل راگەیان لەبان ئەو بیماریە بڵاوەوبکریەد.
لەهەمان وەخت بڕیار دریاگە وە دابینکردن قاویش جیاکردن لە خەسخانەی شار ئەرا تویشبویەیل تەو خوین وەربوین، و تیمەیل هووشیاری تەندروسی کار و چالاکیان زیایەوبکەن و سەردان قەساوخانە و کوشتارگەیل بکەن.