کاروان ئەنوەر نەقیب رووژنامەنویسەیل کوردستان ئەرا ئاژانس شەفەق نیوز وت: لە ساڵ ٢٠٢٣ تونەڕەوی دژوە رووژنامەنویسەیل وەچەو ساڵەیل ٢٠٢٢ و ٢٠٢١ کەمەو بویە، و فرەی سروشتی بویە، وەلێ ئەوەگ جی نیگەرانیە، لە ساڵ ٢٠٢٣ بڕیار دادوەری لەبان رووژنامەنویسیگ دەرچگ، لە وەختیگ بکوشەیل بەشیگ لە رووژنامەنویسەیل دەسگیر نەکریانە، و لەناو کوردستان ئازادن، و پەنج باوەت کوشتن رووژنامەنویسەیل هەس، یەکیگیان یەکلاوە کریاس، کە باوەت کوشتن رووژنامەنویس کاوە گەرمیانی بوی.
دیاری کرد کە وەگورەی ئامارەیل، زیاتر لە ١٠ هەزار رووژنامەنویس لە کوردستان هەس، نزیکەی ٨٥٠٠ لەلیان ئەندامە لە سەندیکای رووژنامەنویسەیل، و دووپات کرد کە زیاتر لە ١٧٠٠ میدیای راگەیانن مووڵەتدار لە لایەنەیل فەرمی و سەندیکای رووژنامەنویسەیل هەس و لە کوردستان کار کەن.
ئەنوەر وتیش؛ نزیکەی ٩٨٠ دامەزراو راگەیانن کاغەزین هەس، باوجی لەوەر کەمەوبوین سەنین رووژنامەیل کاغەزین کاریان داوەزیا، وتیش؛ ئی شمارەی گەورە لە دامەزراوەیل سیمایگ تەندروسە.