شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، گەرمترین سەرەخوەشی لە کەسوکارەیل ئەو قوربانیەیلە پیشکەش کرد کە لە رویداویگ دڵتەزن لە قەزای حەمدانیە دویەشەو کوشیان و زەخمدار بوین.
نوسینگەی بارزانی لە بەیاننامەیگ رەسیە ئاژانس شەفەق نیوز وت: لە خودا داوا کەیمن گیان قوربانیەیل بخەێدە وەر دروود فراوانی، و سەبووری کەسوکاریان بەێد، و زەخمدارەیل وەزوی خاسەو بوون.
سەرۆک هەرێم کوردستان وتیش: دڵ و ویژدانمان هاوەگەردیان لەی مەوقەی سەختە، وئیمە ئامادەیمن ئەرا پیشکەشکردن گشت شیوەیل وەهاناڕەسین و دەسمیەتی ئەرایان.
وەگورەی سەرچەوەیگ ئەمنی، ئامار کەلەمەی ئەو ئاگر گەورە لەناو هۆڵ سویرەگە لە قەزای حەمدانیە رەسیە زیاتر لە ١١٥ مردن و زیاتر لە ٢٠٠ زەخمدار چ لە سزیان یا تاسیان.