شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، پیشوازی لە ئولیفێه دیکوتینی قونسوڵ گشتی فەرەنسا لە هەرێم کوردستان کرد، ک وە بوونەی تەواوبوین ئەرکەیل کاری ئەرا ماڵئاواییکردن هاتیە.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە بارزانی دووارە نشان دەسخوەشی و رێزی لە ئەرک و رەنجەیل دیکوتینی دا ک خوازێد پەیوەندیەیل ناوەین هەرێم کوردستان و فەرەنسا قایم بکەێد، و ئومید سەرکەفتن لە پۆست و ئەرمەنیا نووی ئەرای خوازێد.
لەلای خوەییش، قونسوڵ گشتی فەرەنسا سوپاس لە سەرۆک نێچیروان بارزانی و لایەنەیل پەیوەندیدار کرد ئەرا هاوکاری و پاڵپشتییان لە ئەرکەیلی، وە ئومید وەردەوامی لەی شیوە وەگەرد ئەوەگ لە شوینی تیەێدە بان پۆستەگە.
قونسوڵ گشتی دەسخوەشی لە کارەیل سەرۆک هەرێم کوردستان لە قایمکردن پەیوەندیەیل ناوەین هەرێم کوردستان و فەرەنسا کرد.
قایمکردن پەیوەندیەیل فەرەنسا و هەرێم کوردستان و بڕیگ باوەت خاوەن گرنگی هاوبەش باسەیل ناو ئەو دیدارە بوین.